نصائح عامه لتسريع الجهاز و اطاله عمر البطاريه

أولا نصائح عامه لتسريع الجهاز و الوصول لاعلي كفائه

1- اعمل uninstall لاي برنامج نازل مع الموبايل و مبتستخدموش و متقلقش انك تشيل حاجه مهمه لان البرامج المهمه مبتتشالش و فقط بيتعمله disable و البرامج اللي هتشيلها لو احتجتها تاني هتلاقيها علي البلاي ستور و البرامج اللي تبع ال جي هتلاقيها هنا
اعدادات.عام.حول الهاتف.تحديث المركز.تحديث التطبيق

2 فيه برامج مش مهمه لكل الناس مبتتشالش و بيتعملها disable اما لانها تبع جوجل اللي عامله الاندرويد او تبع ال جي اللي عامله الموبايل و يفضل عمل disable ليها لانها بتملي الميموري علي الفاضي الا لو كنت بتستخدم حاجه فيهم و هتلاقوهم في الصور المرفقه 

ملحوظه الdisable بيتعمل من الاعدادات . عامه. التطبيقات و بعدين من فوق سلايد للشمال لحد ما يبقي مكتوب فوق" الكل" عشان يجيب كل التطبيقات اللي علي الموبايل و الضغط علي التطبيق المراد هتلاقوا فيه disable او بالعربي ايقاف مش ايقاف اجباري

3 الانيميشن في فتح القوائم بيبطء فتحها و عشان تسرعه اقفله و ده يتطلب اظهار قائمه خيارات المطور developer option
بالدخول علي الاعدادات .عام.حول الهاتف .عام. معلومات البرنامج و الضغط خمس مرات متتاليه علي رقم البنيه و هيقولك انت الان مطور

ترجع بقي للاعدادات .عامه.هتلاقي فيه اوبشن اسمه خيارات المطور ادخل عليه و شوف الصور المرفقه و ظبط الاوبشن اللي فيها كده و متلعبش في اي حاجه تانيه 

4 متنزلش برامج اللي بتنضف الرامات عشان ملهاش اي لازمه غير الاعلانات و تيهامك انها بتعمل حاجه و استخدم بدل منها الويدجت الخاص بكده اللي نازل مع الموبايل اللي في الصور المرفقه

5 متنزلش انتي فايرس عشان ملوش لازمه طالما انت مش عامل رووت و بتنزل البرامج من موقع موثوق زي البلاي ستور

ثانيا البطاريه و كيفيه اطاله عمرها و تقليل استهلاكها

اولا البطاريه سعه 3125 مللي امبير و تعتبر من افضل بطاريات الهواتف اذا تعلمنا كيفيه الاستخدام الامثل
ملحوظه الموضوع يسري علي جميع الهواتف الاندرويد
هناك نوعين من بطاريات الهواتف
النيكلni ion بطاريات كان يتم استخدامها في الماضي ولا تستخدم الان
الليثيومli ion هي المستخدمه الان في جميع انواع الهواتف و تمتاز بطول عمرها و ادائها افضل

1-عند شراء الهاتف اول مره استخدمه عادي لحد ما تخلص البطاريه و بعدين اشحنه عادي لحد ال100 و شيله و غير صحيح انك تسيبه مده طويله في الشاحن و اللي يقولك كده قوله انت مبتفهمش حاجه لان الكلام ده كان علي البطاريات النيكل بتاعت زمان
2- لا تستخدم اي برنامج يدعي انه يطيل البطاريه مثل du battery saver. لانها كلها برامج دعائيه لا تقوم باي عمل غير انها بتشغل الرامات و توريك اعلانات و ملهاش اي لازمه
3- لا تستخدم اي برنامج يدعي انه يقوم بتنظيف الرامات و غلق البرامج اللتي تعمل في الخلفيه لان بدون روت البرامج اللتي تعمل في الخلفيه ستفتح ثانيه بمجرد غلقها
الهدف اني بقول متستخدموش البرامج دي لان الاصل انك متنزلش برامج كتير تشتغل في الخلفيه بدون لازمه و البرامج دي ملهاش اي لزمه غير الاعلانات و بتفضل شغاله في الخلفيه اي تقوم بعكس ما تدعي فعله و الحل الاتي
ادخل علي الاعدادات و بعدين تطبيقات و بعدين دوس علي الكل و هتلاقي كل البرامج اللي علي الجهاز حتي اللي نازله مع السيستم هتدخل علي كل الحاجات اللي ملهاش لازمه و تعملها disable لانك هتلاقي برامج كتير انت مبتستخدمهاش مثلا زي ال hangout و شغاله في الخلفيه و تاكل البطاريه
استخدم الويدجت اللي نازل مع الموبايل لتنظيف الرامات و غلق البرامج اللي ينفع تتقفل في الخلفيه
4-البطاريه كانت شغاله كويس علي الجليبين و لما نزل كيتكات النسخه الاولي البطاريه اصبحت تستنذف بسرعه جدا جدا انا شخصيا بقت بتقعد معايا اقل من 6 ساعات و فضلت علي النسخه دي فتره طويله و كنت فاكر البطاريه باظت من الاستخدام و لما نزل ابديت الكيتكات الثاني البطاريه فرقت كتير جدا و بعد فتره فضلت تتحسن كتيير لحد ما بقت دلوقتي افضل من الجليبين. واضح ان البطاريه عامله زي الطفل اللي بتربيه يعني لما كيتكات الاول نزل و بهدل البطاريه و لما نزل الابديت فضلت تتربي شويه لحد ما بقت احسن كمان من الجلي بين مع نفس الاستخدام و وصلت لحد 16 ساعه حاليا مع استخدام فحت و ردم
5-يفضل تشحن البطاريه من الزيرو في الميه لحد ال100 في الميه بدون توقف مرتين في الاسبوع علي الاقل
6-يفضل عدم استخدام الهاتف اثناء الشحن استخدام قوي حتي لا تتسبب في سخونه البطاريه
البطاريه بتتشحن كامله في متوسط 3 ساعات لسعتها الكبيره ولو عاوز تقلل الوقت اعمل airplane mode و انت بتشحن هتقلل المده و لو مزنوق جامد اطفيه و انت بتشحنه مش هيكمل ساعه و يتشحن
7-البطاريه في بعض الاوقات تلاقيها بتتشحن لحد قبل الاخر و متكملش لحد 100 في الميه و متزدش مهما سيبتها ده نتيجه ان بعض الخلايا مبقتش شغاله كويس و الحل انك تسيب الموبايل يفصل خالص و افضل شغله وسيبه يفصل لحد ما البطاريه تفضي و متقدرش تفتح خالص و اشحنه مره واحده 3 ساعات متواصل ويفضل يكون مطفي و انت بتشحنه
8-يفضل انك لما يوصل 100 في الميه تشيله من الشاحن و متسيبوش طول الليل في الشاحن
9-برامج التواصل زي الفيس بوك و الواتس اب و الفايبر و خلافه اكتر برامج بتستهلك البطاريه فمتنزلش منها غير اللي انت محتاجه
10-الجي بي اس اكتر حاجه بتستهلك بطاريه فمتشغلوش الا و انت محتاجه
11-ادخل علي تقرير البطاريه و شوف من وقت لاتاني ايه البرامج اللي بتستهلك اابطاريه ولو لقيت حاجه بتستهلك بطاريه بشكل غير طبيعي شيله
12-طبعا سطوع الشاشه من اكتر الحاجات اللي بتستهلك بطاريه فيفضل انك تظبطها علي اد ما انت محتاج
13- طبعا مش محتاج اقول ان ال3 جي و الواي فاي متشغلهمش غير لما تحتاجهم
النصائح دي لو اتبعتها هتلاقي تغيير كبير في االبطاريه و مع الوقت كمان هتلاقيها بتتحسن