كل ما يخص السوفتوير ابديت او الرجوع داونجريد للجيلي بين

اولا نبذه عن السوفتوير اللي نزلت للموبايل

1- الموبايل بيجي بنسخه جيلي بين 4.2.1 و كان الروم اسمها v10f ودي النسخه اللي هنتكلم عنها لانها كانت افضل نسخه ودي اللي الجهاز بيجي بيها و اثبت نسخه
2- نزل ابديت كيتكات 4.4.2 و الروم كان اسمها v20a ودي اسوأ نسخه و كان فيها مشاكل كتير جدا
3- نزل ابديت للنسخه كيتكات برده بس اسم الروم v20b ودي نسخه كويسه جدا و تم تلافي العيوب للروم الكيتكات السابقه
4-نزل ابديت للنسخه كيتكات باسم v20c و فيها تصحيح لبعض مشاكل النسخ السابقه

ازاي تعرف انت عندك انهي نسخه من الاندرويد
Settings/general/about phone/common/software information

لو الرقم 10 يبقي انت جيليبين لو الرقم 20 يبقي كيتكات و الحرف الاخير لو a يبقي اول نسخه للكيتكات لو b يبقي تاني ابديت للكيتكات ولو c يبقي اخر ابديت للكيتكات

ثانيا ازاي تعمل ابديت يعني من نسخه اقل لنسخه احدث لو انت لسه شاريه و نسخه جيلي بين و عاوز تحدثه ل 20c علطول او لو انت كنت حدثته لكيتكات v20a وعاو تنزل v20b ثم v20c
طريقتين اما عن طريق الموبايل
Settings > About phone > Common > Software update
هتلاقي لو فيه ابديت هيقلك عليه و هينزله
لو من جيلي بين لكيتكات هتلاقي الداونلود حوالي 593 ميجا

 ولو من كيتكات v20a لكيتكات  v20 b الداونلود في حدود 100 ميجا
ولو من كيتكات v20b لكيتكات v20c الداونلود في حدود 60 ميجا

ملحوظه هامه جدا
لو انت جليبين و عاوز تعمل كيتكات الاول هيعمل ابديت ل v20a و لما يخلص و يشتغل عادي هيجيلك ابديت تاني اللي هوه v20b مهم جدا تعمله عشان بيصلح عيوب ال v20a و بعد ما يخلص الابديت v20b  هتعمل ابديت تاني هيجيلك v20c 
ضبط المصنع ضروري جدا بعد ما تعمل اول ابديت من جيليبين لكيتكات v20a و متعملش ريكفري و ترجع تعمل باك اب عشان ساعتها ولا كانك عملت ضبط مصنع
ضبط المصنع بعد الابديت الاول مهم جدا عشان الروم تشتغل كويس و ضبط المصنع بيشيل اي حاجه موجوده علي الموبايل و مبيأثرش علي الحاجات اللي علي الشريحه او كارت الميموري

الطريقه التانيه عن طريق الكمبيوتر
تدخل تنزل الروم من الموقع ده
http://lg-firmware-rom.com/
و هتدخل رقم imei بتاعك و تدوس داونلود
عشان تجيب رقم الimei لو مش عارفه
*#06#
و تنزل الروم و حاليا المفروض يظهرلك v20c و الطريقه دي هتعمل ابديت للروم v20c مباشره من اي فيرجن انت عليه سواء جيليبين او كيتكات الاول او الثاني  و الداونلود 821 ميجا 
أو تنزله من هنا
http://uptobox.com/pb59xg8tr16f
طريقه تفليش الروم

هتنزل تعريف الموبايل من هنا
http://www.mediafire.com/download/g31hbcdmh14io89/LGUnitedMobileDriver_S50MAN311AP22_ML_WHQL_Ver_3.11.3.exe
و الفلاش تول من هنا
http://www.mediafire.com/download/8j4ryoxm8r5raur/LG+Flash+Tool+2014.zip
و فايل اسمه Visual C++ runtime عشان ده مهم للفلاش تول عشان تشتغل
https://googledrive.com/host/0B9l4QOCXUmxXV19jN1ZrTnBwdTQ/VC_RedistInstaller.exe
هتصطب ال3 ملفات و بعدين تفتح الفلاش تول و انت مش موصل الموبايل بالكمبيوتر
في برنامج الفلاش تول هتختار الاتي
select type cdma
phone mode diag
select kdz file

هتختار الروم اللي نزلتها و تضغط normal flash هتطلعلك حاجه تانيه دوس start هتطلعلك حاجه تانيه اختار اللغه انجليزي و دوس اوك و اصبر لحد ما ييطلع خطأ انك مش موصل الموبايل ساعتها هتطفي الموبايل وهوه مش متوصل و سيبه لغايه لما يفصل خالص و بعدين هتدوس علي الزرار اللي بيعلي و تفضل دايس و توصل الموبايل و انت دايس و تفضل كده لحد ما الموبايل يفتح علي اللوجو و تلاقي مكتوب تحت اللوجو download mode

ساعتها سيب الزرار اللي بيعلي و دوس في الكمبيوتر retry و استني لحد ما يخلص هتلاقي الموبايل عند 80 في الميه عمل ريستار و اشتغل سيبه بردو لحد ما يخلص و مبروك


ملحوظه لازم تعمل ضبط مصنع عشان الموبايل يشتغل كويس و مينفعش تكون عامل باك اب و تعمل ريكفري عشان كده هيبقي ولا كانك عملت ضبط مصنع و ضبط المصنع بيشيل اي حاجه علي الموبايل و مبياثرش علي الحاجات اللي علي الشريحه او كارت الميموري

ثالثا طريقه الداونجريد من كيتكات للجيلي بين تاني كانك لسه شاريه لو مش عاجبك الكيتكات
الروم نزلها من هنا

https://drive.google.com/file/d/0B2B1ORwZVQUyRUhyaTlQdXE0S28/view?pli=1
أو من هنا
http://uptobox.com/qzzcz5k31ttx
هتنزل تعريف الموبايل من هنا
http://www.mediafire.com/download/g31hbcdmh14io89/LGUnitedMobileDriver_S50MAN311AP22_ML_WHQL_Ver_3.11.3.exe
و الفلاش تول من هنا
http://www.mediafire.com/download/8j4ryoxm8r5raur/LG+Flash+Tool+2014.zip
و فايل اسمه Visual C++ runtime نزله و سطبه علي الكمبيوتر عشان ده مهم للفلاش تول عشان تشتغل
https://googledrive.com/host/0B9l4QOCXUmxXV19jN1ZrTnBwdTQ/VC_RedistInstaller.exe
الاول متوصلش الموبايل و افتح الفلاش تول من الكمبيوتر
في برنامج الفلاش تول هتختار الاتي
select type 3gqct
phone mode emergency
select kdz file

هتختار الروم اللي نزلتها و تضغط normal flash هتطلعلك حاجه تانيه دوس start هتطلعلك حاجه تانيه اختار اللغه انجليزي و دوس اوك و اصبر شويه هيطلعلك error انك مش موصل الموبايل اطفي الموبايل خالص و تستني لغايه ما يطفي و بعد كده افضل دايس علي زرار اللي بيعلي الصوت و انت دايس وصل الموبايل و متشلش ايدك من الزرار اللي بيعلي لغايه لما يجي اللوجو و تحته يبقي مكتوب download mode ,

وفي الكمبيوتر دوس retry و اصبر 
ولو طلعلكبعد كده حاجه مكتوب فيها do you wish to cancel update اوعي تدوس ok سيبه هتلاقي الابديت شغال عادي ورا شاشه دي سيبو لحد ما يخلص خالص هتلاقي الموبايل عمل ريستارت عند 80 في الميه بردو سيبه لحد ما يخلص و ساعات البرنامج بيجيب error عند 99 ميهمكش
دلوقتي افصل الموبايل خالص و شيل البطاريه و حطها تاني و هتعمل هارد ريسيت منغير متفتحو بالخطوات اللي في الفيديو ده
http://www.youtube.com/watch?v=aNvxJdHHwL4
و مبروك عليك

بعد الابديت او الداون جريد لازم تعمل فاكتوري ريسيت
اوعي تفصل الجهاز و هوه بيعمل الابديت

الشرح بالفيديو للداونجريد للي مفهمش
https://www.youtube.com/watch?v=VIgduqh5juI